சஹானா கவிதைகள்

[ A+ ] /[ A- ]

1)
வான் நிலாவை

குழந்தை போல்

வளர்த்து எடுக்கின்றது வானம்

2)

நட்சத்திரங்கள்

தான் மின்னும் அழகை

கடலில் பார்க்கின்றது

3)

ஒரு நட்சத்திரம்

எப்பொழுதும் என் மனசுக்குள்

ஆசையாக மின்னிக்கொண்டே இருக்கிறது

4)

நட்சத்திரமும் இல்லாத

அமாவாசை ராத்திரியில்

தோட்டத்தில் மிளிர்ந்து செல்கிறது

மின்மினி பூச்சி

பள பள பள பள

மினு மினு மினு மினு

5)

வானத்தின் நெற்றியில்

பொட்டாக மினுங்குகிறது

அதிகாலை சூரியன்

6)

சூரியன் உதிக்கலாம்

ஒளி பாய்ச்சலாம்

வெப்பம் பரப்பலாம்

சுட்டெரிக்கலாம்

தீயாகலாம்

அவ்வப்போது

வெயிலில் காயும்

சிவப்பு மிளகாயாகவும் மாறலாம்

•••

Comments are closed.