வே. பாபுவுக்கு அஞ்சலி – ஷாஅ

[ A+ ] /[ A- ]

வே. பாபு

இப்படியான பிரதேசத்தில்

மொண்டு வாய் நிறைய குடித்து வைத்தேன்

ஒரு மிடறின் நிழல் மறு

மிடறுக்கில்லை

தேகம் கழற்றி தெப்பமாய் நிற்கிறேன்

மழைப்பாடல்கள் இசைத்து ஒழுகும் துளிகளின் நிழல்

துளிக்கில்லை

முன்பொரு கானகம் மலர்வித்து

ஒருக்களித்தப் பூவின் நிழல்

பூவுக்கில்லை

மடங்கிய விரலென கிடக்கும் நிழல்

தரையில் அதுவாக இல்லை

இறுதியாக

கைகூப்பி முகமன் தந்து சொல்லின்றி செல்கிறேன்

திரும்பிப் பார்க்காத முதல் பார்வையின்

நிழல்

இல்லை

இதைக் காண முடிந்தால் உன் கண்களுக்கு

.

Comments are closed.