மணிவண்ணன் வெங்கடசுப்பு கவிதை

[ A+ ] /[ A- ]

அறிமுக படைப்பாளி
மணிவண்ணன் வெங்கடசுப்பு கவிதை

இந்த உலகமே
அழும்போது
நீ மட்டும் சிரித்துக்கொண்டிருந்தாய்
உன்னை
காலத்தின் நிராகரிக்கப்பட்ட தழும்பு
என்று வெறியுடன் எதிர்த்தோம்
உன் சிரிப்பு
எங்களிடம் தொற்றிக்கொண்ட பொழுதில்
உன்னை அழவைத்து
கைகொட்டி சிரித்தோம்
நீ அழுத கண்ணீர்
ஆறாய் பெருகி ஓடுகையில்
அதில் மலம் கழுவி
பிணத் தெப்பம் விட்டு
பிலாக்கணம் பேசினோம்
தாய்மையுடன் எங்களை
நீ
தழுவ முற்படுகையில்
உன் பாலூட்டும் தனங்களை
பேய்களென பிய்த்து தின்றோம்
ஒவ்வொரு முறையும்
இரவில் உனை தூக்கிலிட்டு
பகலில் உயிரிப்பித்தோம்
இன்னும் எங்களுக்கென
என்ன வைத்திருக்கிறாய்?
கேள்விகளாலேயே உனை துளைத்து எடுத்து
அலாதி திருப்தி காண்கிறோம்
ஆயினும்
உனைப் புரியாமல்
நாங்கள் வாழ்ந்த அந்த நாட்கள்
அதி அற்புதமானவை!

Leave a Reply